ಧೂಮಕೇತು ಐಸಾನ್ ನಿಧಾನವಾಗಿ ಸೂರ್ಯನ ಸಮೀಪ ಬರುತ್ತಿದೆ. ಅಕ್ಟೋಬರ್ ೨ರಂದು ಮಂಗಳ ಗ್ರಹದ ಬಳಿ ಸುಳಿದು ಈಗ (ನವೆಂಬರ್ ೧೧) ಶುಕ್ರ ಗ್ರಹದ ಕಕ್ಷೆಯ ಹತ್ತಿರ ಸಾಗುತ್ತಿದೆ. Magnitude ೮ ರಷ್ಟು ಪ್ರಖರವಾಗಿರುವ ಈ ಧೂಮಕೇತುವನ್ನು ಈಗ ದೂರದರ್ಶಕದಲ್ಲಿ ನೋಡಬಹುದು. ಮೇಲಿರುವ ಚಿತ್ರ ಒಬ್ಬ ಹವ್ಯಾಸಿ ಖಗೋಳ ವೀಕ್ಷಕ ತನ್ನ ಕ್ಯಾಮೆರಾ ಹಾಗೂ ದೂರದರ್ಶಕ ಬಳಸಿ ತೆಗೆದಿರುವ ಐಸಾನ್ ನ ಚಿತ್ರ. ಚಿತ್ರದಲ್ಲಿ ಧೂಮಕೇತುವಿನ ಹಸಿರು ತಲೆ ಹಾಗೂ ಬಿಳಿ ಬಾಲವನ್ನು ನೋಡಬಹುದು. ಸುತ್ತಲಿನ ಗೆರೆಗಳು ನಕ್ಷತ್ರಗಳು. ಧೂಮಕೇತುವು ನಕ್ಷತ್ರಗಳ ನಡುವೆ ಚಲಿಸುತ್ತಿರುವುದರಿಂದ ಧೂಮಕೇತುವಿನ ಚಿತ್ರ ತೆಗೆದಾಗ ನಕ್ಷತ್ರಗಳು ಚಲಿಸಿ ಗೆರೆಗಳಂತೆ ಕಾಣುತ್ತವೆ.
ನೀವೂ ಧೂಮಕೇತುವನ್ನು ನೋಡಬೇಕೆಂದಿದ್ದರೆ ಬೆಳಿಗ್ಗೆ ಸುಮಾರು ೫ ಗಂಟೆಗೆ ಕನ್ಯಾ ರಾಶಿಯಲ್ಲಿ ದೂರದರ್ಶಕದ ಮೂಲಕ ಕಾಣುತ್ತದೆ. www.heavens-above.com ತಾಣದಲ್ಲಿ ಇದರ ನಿಖರವಾದ ಸ್ಥಾನವನ್ನು ಕಾಣಬಹುದು.
No comments:
Post a Comment